عــزيزى الزائر / عزيزتى الزائـره . يرجى تسجيل الدخول اذا كنت عضو معنا .
او التسجيل اذا لم تكن عضو وترغب فى الانضمام الى اسرة منتديات الخوجلابى سنتشرف بتسجيلك وندعوك للاستجمام فى عريشة الخوجلاب[
عــزيزى الزائر / عزيزتى الزائـره . يرجى تسجيل الدخول اذا كنت عضو معنا .
او التسجيل اذا لم تكن عضو وترغب فى الانضمام الى اسرة منتديات الخوجلابى سنتشرف بتسجيلك وندعوك للاستجمام فى عريشة الخوجلاب[
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخولاعلانصحيفة السودانى
هنالك من استردوا اوطانهم من ايادى الجبابره والطغاة اوقليلا" علينا ان نسترد جزء من ارضنا . .... شباب الخوجلاب الأشاوس يدافعون عن عرين أراضيهم ضد التسلط‏.
ماكنت رايق وساكن فى صفاء وتامين ..... فى الخوجلاب ياقلبى منى شالك مين...
الحريه للمعتقلى الخوجلاب ..... كلنا اشرف عمر ..كلنا علاء الدين..كلنا ياسر ويسن..كلنا عاطف..كلنا مجاهد ..كلنا مصعب .. كلنا طلب وايمن .. كلنا كباشى ....الحريه لهم
صدور كتاب الجلى فى مناقب الشيخ خوجلى (ازرق توتى) للدكتور خالد محمد يسن
(  تنبيه ) :- اعضائنا الكرام المنتدى لازال فى طور التنسيق والتطوير .... المنتدى غير مسئوول عن اى مشاركه مخالفه للدين والاخلاق فقط كاتبها من يتحمل وزرها
تتقدم اسرة منتديات الخوجلابى بالتعازى الى عموم قبيلة الخوجلاب فى فقيدة القبيله والصحافه الصحفيه : فاطمه خوجلى التى انتقلت الى رحمة مولاها امسية الخميس 13/12/2013م اللهم اغفر لها وارحمها واجعلها من اصحاب اليمين

 

 من روائع هاشم صديق بين النيل وحمد النيل

اذهب الى الأسفل 
كاتب الموضوعرسالة
نزارالخوجلابى
المدير العام

المدير العام
نزارالخوجلابى


عدد المساهمات : 175
نقاط : 889
تاريخ التسجيل : 06/07/2010
الموقع : https://nazara.own0.com

من روائع هاشم صديق بين النيل وحمد النيل  Empty
مُساهمةموضوع: من روائع هاشم صديق بين النيل وحمد النيل    من روائع هاشم صديق بين النيل وحمد النيل  Emptyالجمعة أغسطس 13, 2010 11:52 am

من روائع هاشم صديق بين النيل وحمد النيل  Hashim%20alshoroug
قصيدة (بين النيل وحمد النيـــــــل)

إتوهطتَ


في قد الابرة


إتمددت


خلفت الصبر


كراع في كراع


حلفت أعضي الحزن الحنضل


لا أتلفَّتْ .. لا أتــفتت .. لا أتباع


في قد الإبرة حرثت زرعت


مطرق نخلة


كبرت طالت


صبحت تمرة


حرثت زرعت كمان قطية


بنيت وعرشت عديل قطية


وكان غير الله


في زول زارعني


يجي يقلعني


وكان سلطان أو والي معالي


عصر في ايدي


فرح أو دهشة


كراني وغشَّ


اليجي يمسكني


من الأيد البتوجعني


الله نحتني


وكرمه وسيع


من طين سوداني


وفي مجرى السيل


ومما قمت فتحت


وشفت النور


وقف بيتنا عديل مستور


بين النيل وحمد النيل


في نص السكة


بس بالضبط


التقول قاسوها بالمللي


تقول حسبوها بوصة وسنت


يوماتي الشمس تطلع


صبية وخيل


ويوماتي الشمس تشهق


تقع بي طولها جوة الليل


مما قمت


عارف الدنيا تبدأ شروق


وعارف الرحلة


شيلها تقيل


وفاهم الدنيا يوم بتميل


وتمدد في حمد النيل


واتعلمت من النيل وحمد النيل


أهرول بين شروق وغروب


وصبر أيوب


عذاب الرحلة نار وخطوب


شيتاً اعافر فيهو بي ايدي


وشيتاً بالقدر مكتوب


وياما جروح أبت ما تروح


وياما أزاي صبح ضلي


يزازي معاي


وياما النار سقت للروح


ومن جني ابل قلمي


في دم جرحي


اشخبط للفرح في لوح


وأمد لساني للهدَّاني


واضحك


والعمر مضبوح


واعافر في الرياح صابر


أدندن بالألم مشروح


أفرتق لي زرار صدري


واقول لعدوي تعال بارز


لهب غبني


والشاريني والبايعني يمسكني


من الايد البتوجعني


والزارعني غير الله يا طمبارة


يجي يقلعني


مما قمت قرص الشمس بيطلع


بين جبين النيل


وفي الآخر بدخل جوة بير الليل


ينوم حبة ويطلع تاني


من بدري يوشوش


في رموش عيني


يتبتب بالشعاع حاني


على أوتار


شغاف صدري


أقوم ازرع جروف عمري


واشد الحيل


أباري الشمس


من النيل لحمد النيل


أيا حزني


يا ضلي الملازمني


ويا كفوة رماح الفجعة


في ظني


ويا مترار حداد القنجة


في مأتم


برق وطني


ويا جني المشتت في الورق تيراب


ويا نبتاً حلف ما يسقي عودو سراب


ولا يذرف دمع كضاب


ورغم الحربة والنشاب


بفتش في تبن عمري


عن الضحكة


وعن الأصحاب


مناديل الورق كملت


من جدول مطر وجعي


ولا اتبل يوم منديل


ولا اتقرّح سنام سفري


بحمل الشيلة والتنكيل .


لا اتنابرت في فد يوم


أدق صدري وأقول ياني


ولا نقّزت


واتشابرت


لي لافتات


ولا ألقاب


ولا أحزاب


بطول عمري.


لا اتوسلت لي غافلة


ولا عيني بقت غافلة


ولا طأطأت


غير لي الله


غير الشعب


اجلبق


في جداول الحب


واسبِّح للرحيم الرب


ولا اتجرست يوم شالوني


– زي يوسف- ايد ناسي


أسف .. جدعوني جوة الجب


اتعذبت بالطمبارة


والشمشارة


وإتقلبت في صاجاً


لهيبو حقارة


لا فترت رماح وطني


ولا سابتني


مافيا (سفارة)


حت ان جيت اونس ناسي


في غربة واحجيهم


بجرح الناس


وحال دارهم


ونعل الوالي


والحراس


وسم السلطة والكربة


ألاقي المافيا جارية ورايا


سفارة مرايا


وش السلطة


والحاحايا


ناس (حسونة)


(ود الداية)


والطمبارا بين قارة


حجار الكضبة والكسارا


ناس عدمو الضمير ودبارا


حجاهم طقًّ


من( مروي)


ولي (بارا)


مساكين الرجال


بين بين


تقارير الكضب تلقين


وسب الشرفاء بي اسم الدين


والإرهاب بحمرة عين


وجدع السترة


لبس الشين


خسارة


خسارة.


مما قمت


فتحت


وقف بيتنا


بين النور ووش السور


طين منخور


يوماتي


الارض بتدور


جراح بتقيف


جراح بتغور


اماني تجي


اماني تغيب


ظلال ترمي ظلال بتشيب


صباح يطلع


ضهر يضلع


وموت في مغيب


ما لفَّت شمس يوماً


وجات بالعكس


ولا ليلاً


برك في الرحلة يوم بالدس


ولا كمل العشم في بكرة


ضاع الحس


يوماتي الارض بتدور


ولو طال العمر يقصر


ويوم لابُد يجيكا الدور


بس يازول تموت واقف


متل نيمتك


تموت مستور


لا تدخل في سوق الطاغية


كوم للبيع


ولا تهاتي في نار غبنك


تفتش لي نصير


ووجيع


وبراك عارف


براك شايف


قد الإبرة كون ووسيع


اتعلمت من ضيقك


تمد رجليك وتتمطى


لا تدنقر لجاه سلطان


ولا تصنقع لوش يافطة


شوف بعيونك الدنيا


لا تعاين بعين الغير


وشيل من الجراب تمرات


ولا تفتش للبن الطير


وكان كتُّف خطاك والي..


جناح حرفك كبير وبطير


ولو غاب في الطريق أصحاب


وغاب جوة الرماد أحباب


كفاك


سمر الموسيقى رفيق


كفاك حبة ورق وكتاب


وراس مرفوع


في خط السير


وريد للرب


وشوف وضمير


كفاك حزن الزمان المر


يغرد في الحروف تفسير


(يا قابض هوي السكين)


وما مسكين


جدعت وراكا شال الماضي


ما هماكا


لو أوغاد


وكان همباتا


لو اشباح غجر مسّاكا


كتير قامت حداك صاخة


وناش ضهرك


هوى الكنداكا


والله معاكا .. ما هماكا


تعيش وتموت


لا كسروك


رمم تفتيش


ولا ساقوك غنم إبليس


فقير من كلُ


نِعم ورياش


غِناك بنك الوطن


والناس


جعيص


ما بعلن التفليس .


دق سدرك


كأنك في زمان الحب


ولا تفلي


شعَر في الوهَدَة


تتجهجه


ولا تسلم لحفر السكة


والفجعة


وكت ساقوك ايدين ناسك


متل يوسف


أسف جدعوكا جوة الجب


دق سدرك عديل واهتف


أريد الله .. وأريد الشعب


في قد الإبرة حرثت زرعت


مطرق نخلة كبرت وطالت


صبحت تمرة


حرثت زرعت كمان قطية


بنيت وعرشت عديل قطية


وكان غير الله


في زول زارعني


يجي يقلعني


وكان سلطان أو والي معالي


عصر في ايدي


فرح أو دهشة


كراني وغشَّ


اليجي يمسكني


من الأيد البتوجعني


براي عارف


ومما قمت بيتنا وقف


طين منخور


بين النور ووش السور


بين النيل وحمد النيل


في نص السكة بس بالضبط


تقول قاسوها بالمللي


تقول حسبوها بوصة وسنت


واتعلمت من النيل وحمد النيل


بس أهرول


بين شروق وغروب


وصبر أيوب


واتعودت تقل الشيل


ألم وأقلد


في ضيق صدري


ويرد الروح


مليون ميل


هاشـــــــم صديق 4 يناير 2008م


للاستمتاع بمشاهدة القاءالقصيده ندعوك بزيارة هذا الرابط
https://www.youtube.com/watch?v=9ULCNKxDHNs

الرجوع الى أعلى الصفحة اذهب الى الأسفل
https://nazara.own0.com
 
من روائع هاشم صديق بين النيل وحمد النيل
الرجوع الى أعلى الصفحة 
صفحة 1 من اصل 1
 مواضيع مماثلة
-
» بنطلون (لبنى) .. و .. قرنتية هاشم ( طبعة ثانية ) ( الحلقة الأولي ) بقلم: هاشم صديق
» على باب الخروج شعر : هاشم صديق
» الغريب.. والبحر شعر : هاشم صديق
»  قصيدة قصة ثورة للشاعر هاشم صديق
» مُوندوكورو للشاعر هاشم صديق 15/12/2010م

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الشعر والخواطر-
انتقل الى: