عــزيزى الزائر / عزيزتى الزائـره . يرجى تسجيل الدخول اذا كنت عضو معنا .
او التسجيل اذا لم تكن عضو وترغب فى الانضمام الى اسرة منتديات الخوجلابى سنتشرف بتسجيلك وندعوك للاستجمام فى عريشة الخوجلاب[



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخولاعلانصحيفة السودانى
هنالك من استردوا اوطانهم من ايادى الجبابره والطغاة اوقليلا" علينا ان نسترد جزء من ارضنا . .... شباب الخوجلاب الأشاوس يدافعون عن عرين أراضيهم ضد التسلط‏.
ماكنت رايق وساكن فى صفاء وتامين ..... فى الخوجلاب ياقلبى منى شالك مين...
الحريه للمعتقلى الخوجلاب ..... كلنا اشرف عمر ..كلنا علاء الدين..كلنا ياسر ويسن..كلنا عاطف..كلنا مجاهد ..كلنا مصعب .. كلنا طلب وايمن .. كلنا كباشى ....الحريه لهم
صدور كتاب الجلى فى مناقب الشيخ خوجلى (ازرق توتى) للدكتور خالد محمد يسن
(  تنبيه ) :- اعضائنا الكرام المنتدى لازال فى طور التنسيق والتطوير .... المنتدى غير مسئوول عن اى مشاركه مخالفه للدين والاخلاق فقط كاتبها من يتحمل وزرها
تتقدم اسرة منتديات الخوجلابى بالتعازى الى عموم قبيلة الخوجلاب فى فقيدة القبيله والصحافه الصحفيه : فاطمه خوجلى التى انتقلت الى رحمة مولاها امسية الخميس 13/12/2013م اللهم اغفر لها وارحمها واجعلها من اصحاب اليمين

شاطر | 
 

 مساطيل .................. مساطيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نزارالخوجلابى
المدير العام

المدير العام
avatar

عدد المساهمات : 175
نقاط : 889
تاريخ التسجيل : 06/07/2010
الموقع : http://nazara.own0.com

مُساهمةموضوع: مساطيل .................. مساطيل   السبت مارس 31, 2012 9:10 am



مسطول ودا ولدو الصغير المستشفى ،،، الدكتور قال ليهو ولدك دا ما عندو حاجة بسنن بس
المسطول قال ليهو : انا زاااااااتو كنت شاكي فيهو من ولدو.. شكلو ما ريحني



مسطول جابو ليه فاتورة الموية لقاها 2 مليون قال خلي بالك الجماعة ديل دخلو مطرة امبارح كلها في حسابي



شايقى دخل مع ابنه سوبر ماركت الولد قال لأبوه : بأحب الشوكولاته
أبوه قاله : حبها ورجعها مكانهاا



واحد مسطول القاضي بيسال فيه: انت معرس منو ؟
قال ليه: واحده
قام القاضي قال ليه انت بتهظر في واحد بعرس واحد اكيد حايعرس واحده
قام المسطول قال ليه: غريبه انا اختي معرسه واحد؟



عمى ومكسر قاعدين مع بعض قام المكسر عمل شاي ليهم الاتنين
قام الاعمى قعد يتشفتن وقال للمكسر:
شايك مالو خفيف كدا قام المكسر قال ليه:
اشرب ساي ولا اقوم اشلتك..



مسطول واقف جنب البحر في الجريف بعد ما سطل شاف البحر ماشي عكس قاليهم:
لو اتكلمنا تقولو مساطيل و لو سكتنا مدني بتغرق



المسطول ماشى فى الشارع لقى ليهو فانوس قديم .. شاتوا قام طلع ليهوا المارد الفى المصباح قال ليهوا اطلب اى طلب احققوا ليك ..
قال ليهوا ابنى لى كوبرى من الخرطوم هنا لى الجنوب ..
المارد قال ليهوا ياخى اطلب ليك طلب زى الناس ما توسع بينا ..
المسطول عاين كده : قال ليهوا عاوز السيجارات دى تبقى هملة .. والناس دى كلها بتتسطل .. والسجارات دى نصدرها عديل لى اميركا .. وحبذا لو قلبت معاك الحكومة فى طريقك ..
المارد عاين ليهوا قال ليهوا : اها الجسر عاوزوا ماشى جاى ولا ماشى بس ؟؟؟؟



في حفره جنب محل السجارات يقع فيها مسطول كل يوم و يموت ..فاجتمعوا المساطيل و قرروا الحلول
التالية :
1) يختوا سيارة اسعاف جنب الحفره...
2) او يبنوا مستشفى جنب الحفره ..
3) او يدفنون الحفره و يحفروا واحده ثانيه جنب المستشفى.



واحد مسطول سال ناس بيتهم جيرانا ديل ضابحين ولا شنو قالو ليهو ليه!!
قال ليهم (صوت ) الابرى ده شنو؟؟



الاستاذفى نص الحصة بيقول للطلبة طبعا نحن كلنا جينا من ادم وحواء
نط شافع شليييق قال ليهو : انا ابوى قال لى الانسان اصلو قرد
الاستاذ عاين ليهوا لقاهوا شيييييين قاليهو : يا ابنى نحن بنتكلم بصورة عامة ما عن اسرتكم على وجه التحديد ..



واحد مسطول راكب عربية في عز الشتاء
شايل معاه عيش حااار في الكنبة الورا
حاول يشيل عيشة ما لحق
خته خلف..



مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا .!



مسطول لقي نفسه قدام نمر ما عرف يتصرف قال ليهو : أكلني تاكل السم..



خمسة مساطيل يصلو .. واحد منهم عطس وقال الحمد لله.. قال الثاني يرحمك الله ..قال الثالث ما صاح تتكلمو في الصلاة .. قال الرابع كلكم صلاتكم باطلة.. قال الخامس الحمد لله انا ما تكلمت..









مسطول سألوه في لقاء تلفزيوني عن سبب سخانه الجو اليومين ديل؟؟
رد قال : ده كلو من مشجعين الكوره .. شغالين يقولو فوق فوق سودانا فوق لمن تكلونا مع الشمس..



ادروب عسكرى قالو ليهو نديك شريطين تمشى دارفور قال والله لو اديتونى مسجل ما امشى..



مسطول ساكن جارو انصار سنة كل يوم كره ليك المسطول ،الصلاة السجاير حرام
يوم انصار السنة عازم اصحابو غدا جو طالعين بعد الغداء وكانوا كلهم اربعة في اربعة
المسطول قال ليهم اقعدو اسمنوا انتو وضعفوا لينا في الاحاديث.

مسطول طوالي بيمشي دار الرياضة أم درمان و يقرأ السبورة المكتوب فيها المباريات قبل يخش الكورة ,يوم مع السطلة
القوية شديد بدل دار الرياضة دخل مستشفي الدايات بالغلط و شاف سبورة مكتوب عليها التطعيم ضد الجدري
قال و الله ناس شداد ديل بقوا يجيبوا لينا أسماء فرق عجيبة خلاص..



مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس
مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفها'،
المسطول : 'يا مولانا انت جادى؟؟'



اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'



واحد مسطول مشي الصيدلية قال للدكتور : 'عايز لبن اطفال'.
الدكتور: 'اسمو شنو؟'
المسطول رد : 'اسمو اشرف'



واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس
علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة ... لكن هو جري دخل بيت العرس..



مسطول سأل الدكتور قال ليهو :
تجي كيف دي : تحللوا البول وتحرموا الخمرة ؟؟



ومسطول
سالوه الفرق بين زمان وهسي شنو
قال ليهم زمان لما يجيبو الاكل الناس تقول بسم الله وتبدا
وفي النهايه تقول الحمد لله هسي لما يجيبو الاكل الناس تقول
الحمد لله الاكل جا ولما تنتهي تقول بسم الله كمل..



واحد عصبي شديد

يوم رجع من الشغل قال لي مرتو الليلة حصلت حاجة غريبة في الشغل

لو قلتها ليك ما حتصدقي وحتقولي أنا كذاب

لكن أنا ما كذاب

كذابة إنتي

وكذابين أهلك كلهم

إنعل أبوك يا بت الكلب



حلفاوي عندو زاوية بصلي فيها بالجماعة جاء مغترب بني مسجد جنب الزاوية الحلفاوي عمل يافطة كتب فيها تنزيلات هائله : الظهر والعصر من اربعه لي اثنين والمفاجأه الكبري الصبح الساعة ثمانية..



مسطول سمع دقة في باب البيت فتح الباب مالقي زول قال دي (مس دور ) ولاشنو؟



مسطول .. قال ليهم .. انتو يا جماعه الدبيب لمن يعضي الزول بخلي سنونو في مكان العضه!! قالو ليه ايوه.. قال ليهم طيب كان بعد دقيقتين لاقي ليهو زول تانى!! قالو ليه بتكون قامت ليه سنون جديده.. !! قال ليهم ليييه دبيب ولا دباسه..



مسطول قبضوا بالبنقوا ودوهو للقاضي يحكم عليه القاضي قال ليو جيب عشرة كلمات تبدأ بحرف الباء بديك براءه قاليو بجيبه ,بختها ,بفتفته,بنظفه’,بلفها.بولعها,بشربه,بنسطل ,بتكييف,بنوم..



واحد مسطول بصلي تلفونو رنه قام ردا و هو بصلي !قال ليه انت وين ؟ قال في التحيات لله..



واحد اشترى خروف عجبو شديد لدرجة إنوحننو ولبسو هلال قام جاب ضباح مسطول شاف الخروف محنن ولابس هلال قام طهرو ومشى..



واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت..



واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة..



مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري..



مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه؟



مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟





واحد مسطول راقد فى السرير وبعاين للشماعه بتاعت الهدوم
فجاء الهدوم وقعت قال الحمد لله الماكنت جواها..



في مسطول امو عيانه مشي يجيب ليها الدواء

امن رجع لقاها ماتت قال ليها دي حركه سخيفه منك..



مسطول شايل وطواط ف يدو وقاعد يعاين ليهو قالو ليهو مالك ؟قال مستغرب ف الفار اللابس عبايه ده.....



مسطوووول اشترى ليهو جزمة قالة ليهو جزمتك دي من وين قال من (ماكدونالدز..



اتنين مساطيل قاعدين في برندة عاملين بالسجارة ون تو (واحد يشيل نفس و اديها للتاني)
لما السجارة طلعت في النخاشيش وكدا واحد شاف الزنكي بتاع السقف بمشي و بجي زي بندول الساعة فسأل التاني و قال ليهو انتا الزنكي دا بمشي و بجي كدا مالو؟؟ قال ليهو شغال اوضة و برندة .



مسطول شايل بنقوا فى بطانيه ومسافر ناس الشرطه فتشوا البطانيه لقوا البنقوا قالوا البطانيه
دى بتاعة منو ؟ردا المسطول قال ليهم بتاعتى الضابط قال ليه فيها بنقوا المسطول قال
علكم الله شوف الزول دا انت ماتقول لى هى بطانيه انا سمعتها بطاريه عشان عندى
بطاريه رايحه..



تلاته مساطيل راكبين في طيارة هلوكوبتر بسطلوا
,,,,,والطيارة في الجو قاموا قالوا لي واحد منهم يمشي يجيب ليهم سجارة حمرا من الدكان
,زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة, وخمشتو من لياقة القميص
,,,,,,صاحبنا بقى معلق والمروحة لافه
الجماعة بي جوة شافو زولنا لافي مع المروحة,,,,,, شبكو ليك: آآآآآآي
أقعد لف لينا كدة لمن تلقى الدكاكين قفلت..



مسطول دخل عنبر مرضى السكرى قال ليهم :
وييييييييييين يا حلوين؟



مسطول بيغازل فى مرتو قال ليها وين يا حمامة قالت ليهو انا ما حمامة انا غزالة قال ليها المهم حيوانة



واحد (سكران ديمة) تاب لله و مشى عمرة..في الطواف لقى ست العرقي...قام حلفا قدام الكعبة انو ما تزيدو موية تاني



مسطول راقد في الاوضه جات عصفوره خشت بالباب ومرقت بالشباك قاليها :عملت شنو يعني؟؟؟؟؟؟؟؟؟؟؟



مسطول سالو ماهي احلي ام في الدنيا

قال : ام فتفت



مسطول بابه دقه...قال منو الفي الباب :قال ليهو افتح يا جدو انا حفيدك....قال: يعني حتفيدني في شنو يعني؟





المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو اتي قايلاني خايف منو؟؟

حرامي دخل بيت اتنين عجايز....ربطم الاتنين في كرسي و بدا يسألم:انتي اسمك منو؟
قالت:سهير
رد الحرامي:زي اسم امي عشان كدا ما حعمليكي حاجه
سأل العجوز:و انت اسمك منو؟
رد العجوز:انا اسمي اسامه و بدلعوني سهير



مسطول بيقول لمسطول تاني في فزورة قطار يمشي 60 كلم \ ساعة , فكم عصفورا في الشجرة اذا كان سعر البيبسي 500 جنية

قال ليك ود الأمين خش الجامع داير يصلي الجمعة .. أها شافو ليك واحد مسطول ومعجب بيهو شديد
جا قعد ليك جمبو وبكشف ليهو .. مبسوط شديد
الإمام أقام الصلاة وبدأ يقرا في الفاتحة .. والمسطول واقف جمب ود الأمين
ومبسوط على الآخر .. أها الإمام قال ولا الضااااااااااالييييييييييييين
ود الأمين بصوتو الجهور قال: آميييييييييييييييييييييييييييييييييييييييييين
المسطول اتكييييف شديد
قعد يصفر وشبكو ود الأمين يااااا تيييييييييييييييييييييييييت..



مسطول جابو ليهو سيوسيوه قالو ليهو اعرفا لينا ذكر ولا انثي قاليهم بسيطه جيبو لي مويه لو شرب ذكر ولو شربت انثي



شيخ جا لقا مساطيل بتسطلو قال ليهم حرام عليكم قالو ليهو وعليكم الحرام ورحمه الله وبركاته..



مسطول قاعد يغش من مصري في امتحان انجليزي……



المصري قاليه: انئل دي.....المسطول كتب
…..nld ...

في واحد مشى لشيخ مسطول يفسرليهو حلم وقال : انا حلمت اني لابس بدلة لونا بني فاتح وقاعد في مكان فيهو نجيلة قال الشيخ : تفسير الحلم ..... انك تور الله في برسيمه..



مسطوول شديد نسى اسمو دقا باب بيتوم
فتحت امو قالت ليهو محمد؟
قال ليها
ايوااااااااااا



المسطول بقول لصاحبو وووووووووووين ابوك من ما توفي تاني ما شوفناه



مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو.

_________________
الرجوع الى أعلى الصفحة اذهب الى الأسفل
http://nazara.own0.com
 
مساطيل .................. مساطيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الفرح والفكاهه-
انتقل الى: